ལོ་སར་གྱི་སྐབས་སུ་རང་ཉིད་ས་མཐར་ཡོད་པ་རྟོགས།
སྐབས་འདིར་རང་ཉིད་ཁེར་རྐྱང་ཡིན་པ་གཞི་ནས་ཤེས།
བསམ་གཞིག་ཤུགས་ཀྱིས་བཏང་དུས།
རང་ཉིད་མནར་གཅོད་རྒྱུན་རིང་ཞིག་གིས་མནར་བ་རྟོགས།
ག་ལེར་བསམ་དུས།
ལོ་སར་ངོ་མ་ནི་ལྷད་མེད་ཀྱི་བརྩེ་དུང་ལ་རེ་འདོད་ཀྱི་འབྲས་བུ་སྨྲིན་པ་དེ་ཡིན་པ་ཤེས།
ལོ་སར་སྐབས་སུ་ངེས་བར་དུ་དགོད་དགོས་པ་ཨེ་ཡིན་ན།ལོ་སར་གྱི་སྐབས་སུ་ངེས་བར་དུ་སེམས་ནས་དགའ་དགོས་པ་ཨེ་ཡིན་ན། གལ་ཏེ་དེ་འདྲ་ཞིག་ཡིན་ན།
བརྩེ་དུང་གིས་ཕམ་མཁན་ཞིག་ལ་མཚོན་ན་ནམ་ཡང་ལོ་སར་མེད་པ་འདྲ། ཟ་རོགས་འཐུང་རོགས་ཚོའི་ངོ་ལ་བལྟ་བཞིན་ཟོལ་བཅོས་ཀྱི་འཛུམ་རེ་བསྟན་ཆོག་ཀྱང་། དེ་ནི་ཟོལ་བཅོས་ཡིན་པས་དེའང་སྡུག་བསྔལ་གྱི་ཁ་སྣོན་ཞིག་རེད། ང་ལ་ནམ་ཡང་སྤྲོ་སྐྱིད་ཀྱི་ལོ་སར་མེད།