ཁ་སྒང་བསམ་གཏན།:

གངས་སྲས་ཀྱིས་བྲིས་པའི་ཚོར་བྱུང་སྙན་ངག་དེ་ཡང་ནས་ཡང་དུ་ཀློག་ན་འདོད། མུ་མཐུད་འབྲི་རོགས།

ཁ་སྒང་བསམ་གཏན།:

ཆོལ་ཁ་གསུམ་གྱི་སྤུན་ཟླ། གཞས་ཚིག
ཆོལ་ཁ་གསུམ་གྱི་སྤུན་ཟླ།། འཁྲུངས་སའི་ཡུལ་གྲུ་གཅིག་རེད།། འཚོ་བའི་གཞི་རྟེན་གཅིག་རེད།།
ཡུལ་དང་གོམས་སྲོལ་གཅིག་རེད།། ང་ཚོ་ཚང་མ་སྤུན་རེད།།

ཆོལ་ཁ་གསུམ་གྱི་སྤུན་ཟླ།། དྲིན་ཅན་ཕ་མ་གཅིག་རེད།། ཤ་ཁྲག་རུས་པ་གཅིག་རེད།།
སྐད་དང་ཡི་གེ་གཅིག་རེད།། ང་ཚོ་ཚང་མ་སྤུན་རེད།།

ཆོལ་ཁ་གསུམ་གྱི་སྤུན་ཟླ།། རྩ་བའི་བླ་མ་གཅིག་རེད།། ཆོས་དང་གྲུབ་མཐའ་གཅིག་རེད།།
བྱམས་དང་སྙིང་རྗེ་གཅིག་རེད།། ང་ཚོ་ཚང་མ་སྤུན་རེད།།

ཆོལ་ཁ་གསུམ་གྱི་སྤུན་ཟླ།། བཙན་པོའི་གདུང་རྒྱུད་གཅིག་རེད།། དཔའ་སྐད་སྙིང་སྟོབས་གཅིག་རེད།།
ལོ་རྒྱུས་ཟིན་ཐོ་གཅིག་རེད།། ང་ཚོ་ཚང་མ་སྤུན་རེད།།

ཆོལ་ཁ་གསུམ་གྱི་སྤུན་ཟླ་ལགས།། སྐྱིད་པའི་གླུ་གཞས་མཉམ་དུ་ལེན།། སྡུག་གི་དབྱངས་རྟ་མཉམ་དུ་འགུག །
མཛའ་མཐུན་ལག་གདེང་གཅིག་ཏུ་སྦྲེལ།། བོད་མིའི་བསམ་དོན་འགྲུབ་པར་ཤོག །